TH / Mazout ausgelaf

Einsatzbericht

E Méindeg (03.06.2019) de Moie kuerz virun hallwer 9 ass et zu Béiwen an der Duerfstrooss zu engem gréisseren Asaz komm. E mobille Mazout Tank war duerch en Accident gerass an ass ausgelaf. Aus dem Tank sinn ± 100 Liter ausgelaf, deen awer gréisstendeels mat Sand konnt opgefaange ginn.

D'Equipe vum Depollutiounsgrupp vum CISLAC & CIS Bauschelt, zesumme mat de Kollege vum Groupe Dépollution Région de la Haute-Sûre an de P&Ch, huet déi direkt Zouleef zu der Béiwener Bach zou gemaach vir ze verhënneren, dass de Mazout an d'Waasser leeft. Den Diesel dee well an de Gulli gelaf war ass ofgepompelt ginn.

Aus Sécherheetsgrënn ass e sougenannten "Barrage" an der Bach opgeriicht ginn dee verhënnert, dass Mazout an de Stauséi leeft.

Op der Platz war d'Police Ardenne. D'Administration de la Gestion de l'Eau ass iwwert den Accident informéiert ginn.