22.08.2018 - Kuerz no 18:00 Auer ass de CISLAC wéinst engem Bëschbrand alertéiert ginn. De Brand louch tëschent Kauneref an Esch-Sauer a war nëmme schwéier iwwert Bëschweeër ze erreechen. Den TLFA2.1 (Mercedes Unimog) vum CISLAC eegent sech besonnesch gutt vir sou Asätz of ze schaffen.

Asaatz-Stéchwuert:	B1
Asaatz-Platz:	Kauneref - Esch-Sauer
Mannschaftsstäerkt:	17
Asaatz-Mëttel:
Ënnerstëtzung:	Pompjeeën Esch-Sauer / Police

23.08.2018 - Brand an engem Hiwwel laascht de CR309 zu Tarchamps kuerz virun 18:00 Auer. D'Feier konnt séier vun de Pompjeeën ënner Kontroll bruecht ginn. Eng Equipe vum CISLAC huet sech em d'Noläschaarbechte bekëmmert an esou en neit entfache vum Feier verhënnert.

Asaatz-Stéchwuert:	B1
Asaatz-Platz:	CR309 Tarchamps
Mannschaftsstäerkt:	6
Asaatz-Mëttel:
Ënnerstëtzung:	///

24.08.2018 - Géint 12:20 Auer ass et zu engem Zesummestouss vun engem Motorrad an engem Auto komm, dëst op der Kräizung N26/CR318, Schumann's Eck a Richtung Rulljen. De Motorradsfuerer ass liicht verletzt ginn, d'Strooss huet nom Accident, wéinst ausgelafene Betriebsstoffer, misse gebotzt ginn.

Asaatz-Stéchwuert:	VU1
Asaatz-Platz:	Kräizung N26/CR318
Mannschaftsstäerkt:	6
Asaatz-Mëttel:
Ënnerstëtzung:	Police

26.08.2018 - Op der Streck tëscht Kauneref an Esch-Sauer si kuerz no 14:00 Auer 2 Autoen anenee gerannt woubäi et zu gréisserem Materialschued komm ass. De First Responder vum CISLAC war mat op der Plaatz.

Asaatz-Stéchwuert:	VU2A2
Asaatz-Platz:	Kauneref - Esch-Sauer
Mannschaftsstäerkt:	9
Asaatz-Mëttel:
Ënnerstëtzung:	CISLAC First Responder / 2 Amb. Wolz & Rammerich / Sauvetage Wolz / Police