'
'
'
'
'Den 10. Oktober, kuerz no Hallefnuecht, ass de CISLAC wéinst enger Ueleg-Spuer op Kauneref geruff ginn. Duerch en techneschen Defekt un enger landwirtschaftlecher Maschinn war et zu enger Verschmotzung vun der Strooss op enger Längt vu méi wéi 200 Meter komm.
| Asaatz-Stéchwuert: | G1 (Gefahrgutunfall 1) |
| Asaatz-Platz: | Kauneref, CR316 |
| Mannschaftsstäerkt: | 9 |
| Asaatz-Mëttel: |    |
| Ënnerstëtzung: | / |
Leschte Sonndeg ass zu Harel den Tour du Duerf gefuer ginn. Zu dësem Ulass hat de CISLAC op e Grillfest invitéiert an dobäi vun der Geleeënheet profitéiert sech an d'Rettungswiesen an der Gemeng vir ze stellen.
D'Leit konnten de ganzen Dag iwwer de moderne Fuerpark vun de Pompjeeë besichtegen. Während dem Nomëtteg konnten d'Gäscht sech bei verschiddenen Atelieren an Demonstratiounen en Abléck an d'Rettungswiese verschafen an och selwer Hand uleeën a sou zum Beispill de richtegen Ëmgang mam Feierläscher oder der Feierläschdecke léieren. Och d'Reanimatioun, mat Hëllef vun engem Defibrillator, konnt geübt ginn. D'Membere vum CISLAC hunn jeeweils déi néideg Erklärungen zu den Ateliere ginn.
Vir déi méi jonk Gäscht goufe Spiller an Atelieren ugebueden.
Fir Eessen a Drénke war beschtens gesuergt. Duerch d'Musek vun EVT Event-Technik ASBL an deem gudde Wieder ass eng angenehm Atmosphäre entstanen.
Mer soen eise Gäscht a Visiteure villmools Merci vir de flotten Nomëtteg an eventuell bis nächst Joer!
(PW)
Den 23. August 2017, kuerz no 20:00 Auer, ass de CISLAC als Ënnerstëtzung op Wolz an d'Rue de la Chapelle geruff ginn. An enger Kiche war et hei zu engem Brand komm. Wéinst dem séieren Agräife konnt de Brand a senger Entstehungsphase geläscht an domat Schlëmmeres verhënnert ginn.
| Asaatz-Stéchwuert: | B2 |
| Asaatz-Platz: | Wolz, rue de la Chapelle |
| Mannschaftsstäerkt: | 13 |
| Asaatz-Mëttel: |  |
| Ënnerstëtzung: | Pompjeeën Wolz / Ambulanz / Police |
De 24. September 2017 gëtt an der Stauséigemeng, zu Harel, den Tour du Duerf gefuer. (Info: www.tourduduerf.lu)
Zu dësem Ulass invitéiert Eech de CISLAC op säin Grillfest. Detailer fann der um Flyer hei ënnen drënner:
E Freiden den 18. August 2017 koum et géint hallwer 6 zu engem schwéieren Autosaccident op der N26, tëschent dem Schumann's Eck a Béiwen. En Automobilist ass mat sengem Gefier vun der Strooss oofkomm an ass an e Bam gerannt. Den Auto huet sech doropshin iwwerschloen an ass an engem Feld ënnerhalb der Strooss leie bliwwe wou en Feier gefaangen huet. Vir de Chauffeur sollt all Hëllef ze spéit kommen.
D'Strooss hat missen vir d'Zäit vun den Rettungs- an Opraumaarbechte gespaart ginn.
| Asaatz-Stéchwuert: | VU3 |
| Asaatz-Platz: | N26, zwësche Schumann's Eck a Béiwen |
| Mannschaftsstäerkt: | 10 |
| Asaatz-Mëttel: | |
| Ënnerstëtzung: | Pompjeeën Gemeng Bauschelt / Ambulanz / SAMU / Sauvetage Wolz / Inspekter / Police / P&Ch |
