Am Joer 2013 goufen d'Jugendsektioune vum CIS Bauschelt an dem CISLAC an der Entente Jugendpompjeeën Uewersauer zesumme gefaasst. Ab 2018 ass d'Jugendsektioun vum CIS Wolz och mat dobei.

Jugendpompjee ze si bedeit vir de Jugendlechen, dat en kann zesumme mat senge Kollegen seng Fräizäit verbréngen, dëst op eng spilleresch Aart a Weis, an dobäi och nach wichteges vir d'Liewe léieren. Bei eis gëtt vill Wäert op den Zesummenhalt an der Grupp, Respekt an Team-Aarbecht geluecht.

Niewent dem Kenneléiere vum Pompjeeswiesen an allem wat domat a Verbindung steet, maache mer awer och Sport, sief et Schwammen, Pompjeesconcour, Cross oder sos eppes. Des Weideren huele mer regelméisseg un Evenementer wéi Rallyen oder ähnlechem deel.

Weider Informatioune iwwert d'Jugendpompjeeën zu Lëtzebuerg fënns du um Internetsite www.jugendpompjeeen.lu an um Site vum CGDIS.

Wann's du eng Fro zu den Jugendpompjeeën hos oder bei eis wëlls matmaachen (du muss tëscht 6 a 16 Joer hun), da mell dech, andeems de einfach dëse Formular ausfëlls.