Sonntag, 03 March 2024
  • '
    '

    CISLAC

    Mer ginn vir Eech duerch d'Feier!

  • '
    '

    First Responder

    Séier a kompetent Hëllef vir d'Leit aus der Stauséigemeng & Ëmgéigend

  • '
    '

    Technesch Hëllef-Leeschtung

    Mer hëllefen bei Accident, Ongléck a Gefor. Doheem an Ënnerwee.

  • '
    '

    Brandschutz

    Virbeugen ier et ze spéit ass! Trainéieren vir den Eeschtfall!

  • '
    '

    Jugendpompjeeën

    Entente Jugendpompjeeën Uewersauer - Eis Zukunft!

A+ R A-

News

1. Hëllef-Cours an der Stauséigemeng

  • Veröffentlicht: Freitag, 01. March 2024 21:26
  • Zugriffe: 1

Dir sidd interesséiert un engem Éischt-Hëllef Cours deelzehuelen oder der wëllt äert Wëssen erëm opfrëschen?

Mer hunn Iech een Éischt-Hëllef Cours organiséiert, deen op 2 Samschdeger, den 20/04/2024 an de 27/04/2024, jeeweils vun 08:00 – 17:00 Auer, zu Harel am Pompjeesbau stattfënnt.

An dësen Owender léiert dir déi liewenswichteg Gesten fir enger Persoun an Nout ze hëllefen bei:

- Accidenter,
- Bluddungen,
- Bewosstlosegkeet,
- Häerzinfarkt,
- Hiereschlag,
- Verbrennungen,
- ...

Uschléissend kritt dir een Diplom. (Et ass keen Examen)

Dir kënnt Iech umellen iwwert den Internetsite vum CGDIS:
https://cours.cgdis.lu/page/module/2402/DEU/index.html?cache=no

Visitt Cycle 1

  • Veröffentlicht: Donnerstag, 16. November 2023 20:07
  • Zugriffe: 51

De 14. November hate mir eng Visitt vun de Schoulkanner vum Cycle 1 aus der Regionalschoul Harel. D'Kanner kruten en Abléck an d'Pompjeeswelt , Informatiounen zu den Asaatzgefierer an zu der Ausrëschtung vum Pompjee selwer. Zu gudder Lescht duerfte se och nach selwer eng Hand mat upaken.

 

Übung - Hëlleflseeschtung mam Rettungsboot um Stauséi

  • Veröffentlicht: Mittwoch, 07. June 2023 20:08
  • Zugriffe: 664

E Méindeg den Owend (05/06/2023) hunn sech d'Membere vum CISLAC am Kader vum Maintien des Acquis (Übung) mat den Theme Rettungsboot a Patientebiergung befaasst.

Den Übungsscenario huet eng Seelbunn, an engem Säitenaarm vum Béiwener Stauséi, virgesi woumat eng verletzte Persoun vun der enger op déi aner Säit konnt transportéiert ginn. D'Pompjeeë vum CISLAC konnten heibäi den Ëmgang mam Tirfort a mat der Schleifkorbtrage üben.

Vir d'Bootschauffeure stoung Persounen- a Materialtransport um Programm. Heifir ware méi Iwwerfaarten noutwenneg an esou konnt jiddereen de sécheren Ëmgang mam Rettungsboot trainéieren, virun allem wat d'Uleeën um Ufer an d'präziist Bäifueren un verschidde Punkten ubelaangt.

 

 

Jugendpompjee am CGDIS! Firwat net du?

  • Veröffentlicht: Dienstag, 11. July 2023 20:01
  • Zugriffe: 359

>> D’Pompjeeën aus der Stauséigemeng sichen néi motivéiert Jugendpompjeeën. <<

 

Den 07. Juli hunn d’Pompjeeën aus dem CIS LAC, am Kader vum Schoulfest an der Regionalschoul Uewersauer, den jonken Schüler an zwee Atelieren d’Méiglechkeet ginn den Hobby vum Jugendpompjee besser kennen ze léieren.

Déi eeler Schüler haten d’Méiglechkeet selwer aus ze probéieren, wéi een e klengt Feier mat engem Feierläscher séier läschen, an esou Schlëmmeres verhënneren, kann. Zousätzlech konnten si hei eng adaptéiert Versioun vum Sportstest vum Pompjee ausprobéieren. Bei dëser Épreuve goung et drëm een Dummy ze evakuéieren an een Pompjeesschlauch mat engem Gewiicht ze zéien.

Fir déi méi Jonk war eng “Kinderfeuerwache” mat Pompjeesgefierer opgeriicht. Hei konnten sie sech fir een Moment wéi een richtegen Pompjee fillen!

 

Bass du tëschent 6 an 16 Joer al, wëlls iwwer dech erauswuessen an wunns an der Stauséigemeng?
Bass du un engem aussergewéinlechen Hobby interesséiert an wëlls du:

  • Mat Pompjees- an Ambulanzmaterial schaffen?
  • Mat engem Feierläscher kënnen e klenge Brand läschen?
  • En Noutruff korrekt ofsetzen?
  • Éischt Hëllef leeschten?
  • Interessant Visitten maachen?

 

Dann gëff och DU Jugendpompjee am CIS LAC!

 

Mir bidden:

  • eng Erfarung fir d'Liewen;
  • Ausbildung zum operationellen Pompjee ab 16 Joer;
  • interessant Aktivitéiten am Kader vun de Rettungsdéngschter awer och
  • Camp'en, sportlech Aktivitéiten an Ausflich

 

Méi Informatiounen kritt Dir beim Chef de centre, dem Thierry Schon:

Tel.: 49771 5426
E-Mail: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

 

Impressiounen vum Schoulfest:

Vegetatiounsbrandbekämpfung – Üben vir den Eeschtfall

  • Veröffentlicht: Sonntag, 14. May 2023 17:51
  • Zugriffe: 316

E Samsdeg, den 13. Mee 2023, ass sech am Kader vum Maintien des Acquis, beim CISLAC mam Thema “Vegetatiounsbrandbekämpfung” ausernee gesat ginn. Eng Equipe vun 20 Leit huet heibäi vun 14:00 bis 19:00 Auer vir deen Eechtfall trainéiert.

Wann de Summer virun der Dier steet an d’Deeg méi laang a méi waarm ginn dann klëmmt domat leider och de Risiko vun de Vegetatiounsbränn, deemno de Bränn vu Bëscher a Felder. Déi leschte Joren hunn eis ëmmer erëm gewisen, dat och Lëtzebuerg net vun esou Bränn verschount bleift.

Dës Zort vu Bränn huet hier ganz eegen Dynamik a verlaangt dem Pompjee an dem Material villes of. D’Topographie vun eiser Regioun mécht dat ganzt dann oft nach e bësse méi komplizéiert an ustrengend.

Dofir ass et wichteg, dat de Pompjee d’Geforen genau kennt awer och weess wéi en sech virdrun schützt an géint d’Feier virgeet. Vun der virgeschriwwener Schutzkleedung iwwert déi verschidden Brandbekämpfungstaktiken iwwert d’Waasserversuergung bis hin zum Material huet d’Equipe vum CISLAC hiert Wëssen gëschter a verschiddenen Atelieren, souwuel an der Theorie wéi och an der Praxis, opgefrëscht.

Wann et em d’Vegetatiounsbränn geet dann ass jiddereen gefuerdert an zwar vir opzepassen, dat et guer net eréischt zum Brand kënnt. Wann et dann awer enker schif geet, dann ass de CISLAC prett vir séier a kompetent kënnen ze hëllefen!

 

 

 

Wetter aktuell

CISLAC Extranet

Angemeldet bleiben

       

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.