'
'
'
'
'Reglement: Pompjee-Stiwwel Wäitworf
- Veröffentlicht: Dienstag, 26. May 2026 17:46
- Zugriffe: 332
Ween ka mat maachen?
Jiddereen! Egal op Pompjee oder NET-Pompjee, egal op grouss, kleng, al oder jonk, jidderee kann an der (nach)net-olympescher Disziplin untrieden an sech dora moossen, ween de Pompjees-Stiwwel am wäitste geworf kritt!
Wéi funktionéiert d‘ Klassement?
Et gëtt 4 ënnerschiddlech Klassementer:
|
Hären |
Dammen |
Kanner |
Ekippen |
|
Ab 14 bis +99 Joer |
Ab 14 bis +99 Joer |
Jongen a Meedercher bis 13 Joer (inclus)
|
2 bis maximal 6 Persounen |
Iwwert de ganzen Dag gëtt déi geworfen Distanz gemooss an dokumentéiert. Um Enn vum Dag gewënnt deenejéinegen an der Hären-, Dammen- a Kanner-Kategorie den de Stiwwel am wäitste geworf huet. (Distanz vun engem eenzelnen Worf, net d’Zomm vun de Meteren). Am Ekippen-Klassement ginn allerdéngs déi geworfen Metere vun de Spiller aus enger Ekipp addéiert, an déi Ekipp gewënnt, déi am meeschte Metere gesammelt huet.
Eng Persoun ka souwuel an enger individueller Kategorie, wéi och zousätzlech mat enger Ekipp untrieden. Allerdéngs muss virun all Worf bestëmmt ginn a wéi engem Klassement een bäi dem follgende Schoss untrëtt. D’Metere gëllen dann och just fir déi genannte Kategorie an net automatesch fir déi Zwou.
Ab 16:00 gëtt et eng Präisiwwerreechung un de Beschten aus all Kategorie.
Umeldung:
All Kandidat muss sech viru sengem éischten Wäitworf umellen. Bei der Registratioun gëtt een enger Klass zougedeelt an et kritt eng Start-Nummer. De Startpräis léit bei 5€ pro Persoun an et huet een domadde seng éischt 5 Schëss fräi. D’Umeldung gëtt an der Bongenkees gemaach.
Wéi vill Versich huet een?
Pro weiderem Lous vun 1€ huet een ee Stiwwelworf fräi. Iwwert den Dag verdeelt, kann een sech esou vill Louse kafen an sou oft probéiere wéi ee wëll. Et däerf ee maximal 2 mol hannertenee werfen. Dono muss een sech erëm hannen an der Rei astellen.
Wéi ee Stiwwel kann ee werfen?
De Pompjee-Stiwwel gëtt engem zur Verfügung gestallt an et däerf een net mat senger eegener Bottinn geheien!
Wéi gëtt d’Distanz gemooss?
Gemooss gëtt vun der Worflinn aus bis op de Punkt wou de Stiwwel leien bleift. Hei béi zielt den noosten Deel vum Stiwwel zur Worflinn. De Worf ass net gülteg, wann d’Worflinn iwwerschratt gëtt, de Stiwwel aus der Bunn geworf gëtt oder déi falsch Schonggréisst geheit gouf. An dësem Fall gëtt déi geworfen Distanz net berücksichtegt. Gemooss ginn a Meter+Zentimeter.
