Um Sonndeg Moien vum 10. Februar ass et an enger Residenz zu Harel zu enger Dampentwécklung un enger Heizungsanlag komm. Enner Asaatz vu schwéierem Otemschutz konnt d'Ursaach detektéiert an den Asaatz innerhalb vu kuerzer Zäit ofgeschloss ginn. D'Gebai gouf uschléissend belëft.

Asaatz-Stéchwuert:	B2
Asaatz-Platz:	HARLANGE, rue Mgr. Fallize
Mannschaftsstäerkt:	13
Asaatz-Mëttel:
Ënnerstëtzung:	Bauschelt / Wolz / Ambulanz Rammerëch / Police Wolz

E Samschden den Owend, 27. Oktober 2018, huet de CISLAC zesumme mat de Pompjeeskollegen aus de Gemenge Bauschlelt, Wanseler a Wolz, eng grouss ugeluechten Übung ofgehal. Zu Béiwen am Centre Culturel ass folgenden Zeenario simuléiert ginn:

Während an der Hall grad eng Sportsmanifestatioun statt fënnt, ass zäitgläich am Keller en Techniker am gaange Reparatiounsaarbechten un der Heizung duerch ze féieren. Zu engem gewësse Moment kënnt et am Heizungskeller zu enger Explosioun an et entsteet e Brand deen sech, bedéngt duerch d'Konstruktioun vum Gebai, séier duerch d'Trapenhaus ausbreede kann. Heibäi entseet eng staark Dampentwécklung.

D'Leit déi sech zu deem Zäitpunkt am Gebai ophale ginn duerch d'Explosioun direkt op de Virfall opmierksam a kennen d'Hall rechtzäiteg verloossen. Bausse fält allerdéngs op, dass 1 Persoun feelt a sech wuel nach am Gebai befënnt. Des Weideren ass den Aarbechter, deen un der Heizung geschafft huet, néierens ze fannen. Och hie wäert wuel nach iergendwou am Gebai sinn.

Déi 1. Pompjeeën déi op der Platz ukomme bereeden sech direkt vir eng Persounesich an e Bannenugrëff vir. Sie equipéieren sech heifir mat schwéierem Otemschutz. Stack vir Stack a Raum vir Raum duerchsiche sie d'Gebai, bréngen 2 verletzte Persounen eraus a bekämpfen de Brand. Ee vun de Patiente gëtt mat der Dréileeder eraus geholl. Allenzwee ginn se vum First Responder nach op der Platz betreit.

Virun der Dier gëtt eng sougenannte Riggelstellung opgebaut an domat en Gebai, dat sech an der direkter Ëmgéigend befënnt, virum Feier geschützt.

Séier fält awer och op, dass bedéngt duerch d'Explosioun, e Masuttstank futti gefuer ass. Deen auslaafende Masutt sicht sech säi Wee duerch de Kanal an d'Baach wou en dreet an de Stau ze lafen. Vir dëst ze verhënnere gëtt e Barrage opgeriicht an de Masutt kann oofgefange ginn.

Zum Schluss war et, wéi gesot, nëmmen eng Übung. 45 Pompjeeën hunn sech un dësem flotten Exercice bedeelegt.