Kamäibrand a Beem op der Strooss

Vill Aarbecht gouf et um Sonndeg Nomëtteg vir de CISLAC wou direkt 2 Asätz ze vermierke sinn.

Op der Streck tëschent Kauneref a Léifreg, respektiv tëschent Mecher a Léifreg waren all Kéiers e puer Beem ëmgefall an hunn d'Fuerbunn blockéiert.

Nach während dem Asaatz goung eng weider Alerte an. Zu Noutem war et an engem Wunnhaus zu engem Kamäibrand komm. Mat schwéierem Otemschutz equipéiert konnt de Brand ënner Kontroll bruecht ginn. Uschléissend gouf d'Brandplatz mat enger Wärmebildkamera kontrolléiert vir auszeschléissen, dat d'Feier op en neits ugeet.