Den 13. Mäerz 2018, kuerz virun 22:30 Auer, ass de CISLAC mam “Groupe Dépollution” op Nidderwampech geruff ginn wéinst enger Verschmotzung am Floss "Wolz". Bei dësem “Groupe Dépollution” handelt et sech em eng interkommunal Kooperatioun tëscht dem CISLAC an dem CIS Boulaide.

Zu Neffe, an der Belsch, waren an engem Steebroch tëscht 150 an 180 Liter Hydraulik-Ueleg ausgelaf déi dunn zum Deel an d’Wolz gefloss sinn. Nodeems et op belscher Säit net gelonge war den Uelech zréck ze hale sinn déi lëtzebuerger Rettungsdéngschter alarméiert ginn an et ass en Barrage zu Nidderwampech opgeriicht ginn. Heimat konnt den Uelechfilm gesammelt an opgefaange ginn. Dëse gëtt elo als Sondermüll entsuergt.

Den Asaatz konnt géint 01:00 Auer erfollegräich ofgeschloss ginn. De Barrage bleift awer och déi nächst Deeg nach an der Wolz vir den Uelech deen nach nozitt kennen opzefänken.

Op der Platz waren, nieft dem Groupe Dépollution vum CISLAC & CIS Boulaide och nach d’Pompjeeë vun der Gemeng Wëntger, d’BNS Lëntgen an d’Administration de la Gestion de l’Eau.

Asaatz-Stéchwuert:	G1
Asaatz-Platz:	Nidderwampech
Mannschaftsstäerkt:	11
Asaatz-Mëttel:
Ënnerstëtzung:	CIS Boulaide / Pompjeeë Gemeng Wëntger / BNS Lintgen / Admin. de la Gestion de l'Eau